Скіф
Адчувальны ўдар па іміджу нашай краіны нанеслі ўкладальнікі «Топ-500» самых прадукцыйных кампутарных сістэм свету. Аўтары выключылі з апошняй рэдакцыі аўтарытэтнага спісу згадванне аб беларускім суперкампутары «Скіф» К-1000. Разам са «Скіфам» спіс пакінула і Беларусь. У зводным пераліку краін – уладальніц сучасных ЭВМ з прыстаўкай супер– наша рэспубліка саступіла месца Бразіліі і Расіі.
Але, Беларусь і Расія вылучаць сумарна 1021,6 млн рас. руб. на выкананне навукова-тэхнічнай праграмы “Распрацоўка і выкарыстанне праграмна – апаратных сродкаў грідтэхналогій і перспектыўных суперкампутарных сістэм сямейства “СКІФ” (“СКІФ-ГРІД”), паведаміў у пятніцу на прэс-канферэнцыі ў Мінску генеральны дырэктар Аб’яднанага інстытута праблем інфарматыкі НАН Беларусі Сяргей Абламейко.
