WordPress па-беларуску

Адзін з карыстачоў сайта Instructables апублікаваў інструкцыю па зборцы галавы андройда з матэрыялаў агульным коштам менш за ў 30 даляраў.

Для зборкі спатрэбіцца палісціролавая галава, вэбкамера, ВК-экран, дынамікі, святлодыёд, святлоадчувальны элемент і мікрафон. Самым дарагім кампанентам у спісе з’яўляецца ВК-экран, які каштуе каля 18 даляраў.

Так як у андройда няма мікрапрацэсара, галаву варта падлучыць да адпаведных раздымаў на персанальным кампутары. У гэтым выпадку пасля ўсталёўкі сістэмы распазнання прамовы і іншых праграм палісціролавая галава зможа выконваць маўленчыя каманды карыстача, арганізаваць відыачат з іншым карыстачом і нават распазнаваць малюнкі.

Варта адзначыць, што паўнавартасныя андройды і робаты значна даражэй, складаней і ўмеюць значна больш. Honda Motors, напрыклад, навучыла сваіх робатаў працаваць у пары, Toyota - гуляць на скрыпцы, арганізатары чэмпіянату Robo-One - дзерціся, а магнітагорская кампанія “Андройдные робаты” - працаваць на заводах.

Першая бэта новай восьмай версіі браўзэра Internet Explorer выйдзе ў першай палове 2008 года, паведамляе PC World са спасылкай на заяву Microsoft. Пакуль аб Internet Explorer 8 вядома толькі тое, што ён прайшоў так званы тэст Acid2, правяраючы адпаведнасць браўзэра разнастайным стандартам.

Некалькімі днямі раней выйшла другая бэта-версія Firefox 3, галоўнага канкурэнта IE, са значна палепшанай хуткадзейнасцю і размеркаваннем памяці. Чакаецца, што стабільная версія Firefox 3 з’явіцца раней першай бэта-версіі Internet Explorer.

Тэст Acid2 паспяхова праходзіць не толькі IE8, але і Firefox 3, а таксама браўзэры OmniWeb, Safari і Opera.

У канцы лістапада карыстачы Internet Explorer папыталі Microsoft часцей абнаўляць браўзэр. Пасля таго як распрацоўка версіі 7 заняла шэсць гадоў, заснавальнік кампаніі Біл Гейтс паабяцаў, што новыя версіі IE будуць выходзіць кожныя 9-12 месяцаў.

Internet Explorer 7 існуе ўжо больш года. Гэта самы папулярны браўзэр на планеце, ім карыстаюцца каля 300 мільёнаў карыстачоў. Для параўнання, Firefox выкарыстаюць, па статыстыцы распрацоўнікаў, каля 125 мільёнаў чалавек.